Modules

Tyst Ôl-raddedig, Dip Ôl-raddedig ac MA Cysyniadu’r Celtiaid (30 credyd; gorfodol) Mae’r modiwl hwn yn rhoi dealltwriaeth feirniadol i fyfyrwyr o gyd-destun a chefndir ehangach hunaniaeth, iaith a hanes Celtaidd ac yn galluogi myfyrwyr i asesu a gwerthuso’n feirniadol gwahanol ddehongliadau o hunaniaeth ddiwylliannol y Celtiaid. Arthur Celtaidd a Chwedlau’r Mabinogi (30 credyd; gorfodol) Mae’r modiwl hwn yn rhoi i fyfyrwyr ddealltwriaeth systematig o bwysigrwydd cynnwys, cyd-destun, diwylliannol a hanesyddol Pedair Cainc y Mabinogi ac yn archwilio ystod o ffynonellau Arthuraidd Celtaidd canoloesol. Dip Ôl-raddedig ac MA Merched yn y Canol Oesoedd: Ffynonellau o’r Rhanbarthau Celtaidd (30 credyd; dewisol) Mae’r modiwl hwn yn rhoi i fyfyrwyr wybodaeth uwch o’r ystod gymhleth o ffynonellau sy’n bodoli mewn perthynas â bywydau merched y canol oesoedd yn y rhanbarthau Celtaidd. Sancteiddrwydd, Ysbrydoldeb a Bucheddau’r Saint Celtaidd (30 credyd; dewisol) Yn y modiwl hwn, bydd myfyrwyr yn ystyried yn fyr cefndir cyn-Gristnogol ysbrydolrwydd Celtaidd a chysyniad y ‘derwydd’; ystyried dyfodiad Cristnogaeth i Gymru ac Iwerddon a chael eu hannog i werthuso’n feirniadol cysyniad ‘Cristnogaeth Geltaidd’; olrhain datblygiad bucheddau’r saint fel genre ac ystyried y dystiolaeth ar gyfer nifer o gyltiau’r seintiau yn y rhanbarthau Celtaidd gan archwilio ffynonellau fel bywydau seintiau, barddoniaeth canoloesol, ffynhonnau sanctaidd a chysegriadau eglwysi, llên gwerin a thraddodiadau llafar. Cymraeg i Ddechreuwyr (30 credyd; dewisol) Mae’r modiwl hwn yn caniatáu i fyfyrwyr ddatblygu dealltwriaeth a gwerthfawrogiad o ramadeg, cystrawen a geirfa’r Gymraeg a chaffael sgiliau cyfathrebu cyffredinol yn y Gymraeg. Adfywiadau Celtaidd: 1700 i’r Presennol (30 credyd; dewisol) Bydd y modiwl hwn yn rhoi gwybodaeth eang a manwl i fyfyrwyr o’r ffyrdd y mae testunau a syniadau a dynnwyd o lenyddiaeth, hanes ac ysgolheictod Celtaidd wedi’u derbyn mewn diwylliant modern. Bydd y modiwl yn rhoi trosolwg manwl u fyfyrwyr i fudiadau ‘Adfywiad Celtaidd’, gan ganolbwyntio’n benodol ar ‘adfywiad Barddol’ yng Nghymru a’r Alban, a’r Adfywiad Gwyddelig ar droad yr ugeinfed ganrif. Bydd y modiwl yn gorffen trwy adfyfyrio ar dderbyn ac adfywio’r Celtiaid yn niwylliant yr ugeinfed ganrif a’r unfed ganrif ar hugain, yn cynnwys arwyddocâd themâu Celtaidd wedi’u hadfywio mewn llenyddiaeth ffantasi gyfoes, crefydd neo-baganaidd, a meddylfryd cenedlaethol. MA Traethawd Hir (60 credyd; gorfodol) Rhoddir y cyfle i fyfyrwyr ymchwilio’n fanwl i bwnc sydd wedi apelio’n arbennig iddynt ac ysgrifennu traethawd hir 15,000 estynedig.