13May
PostgraduateCourse summary
Paratowch ar gyfer gyrfa werth chweil mewn addysgu gyda’n rhaglen TAR Cynradd gyda SAC. Mae’r cwrs hwn yn rhan o’ch Addysg Gychwynnol Athrawon (AGA) ac mae wedi’i gynllunio i roi’r wybodaeth a’r sgiliau sydd eu hangen arnoch i ddod yn athro cynradd effeithiol ac ysbrydoledig. Ar ôl cwblhau’r cwrs, byddwch yn ennill Statws Athro Cymwysedig (SAC), gan eich gwneud yn gymwys i addysgu mewn ysgolion ar draws y DU. Mae’r rhaglen yn cwmpasu addysgu ar draws pob oedran cynradd, gan sicrhau dealltwriaeth eang o’r cwricwlwm cynradd. Byddwch yn cael eich dysgu yn y brifysgol a lleoliadau ysgol ymarferol, lle byddwch yn datblygu’r gallu i gynllunio, addysgu ac asesu’n effeithiol ar draws ystod o bynciau. Bydd ein tiwtoriaid ac ymarferwyr dosbarth profiadol yn eich cefnogi wrth ddatblygu eich ymarfer addysgu drwy ddarlithoedd rhyngweithiol, gweithdai a phrofiadau ymarferol. Ffocws allweddol y cwrs yw meithrin eich gallu i adlewyrchu ar eich addysgu a gwella eich ymarfer yn barhaus. Byddwch yn archwilio ystod o ddulliau addysgu, gan gynnwys dulliau arloesol a chreadigol i ennyn diddordeb dysgwyr ifanc. Yn ogystal, mae’r rhaglen hon yn gosod pwyslais cryf ar ddeall anghenion amrywiol plant, gan eich helpu I gefnogi pob disgybl i gyrraedd eu llawn potensial. Yn ystod eich lleoliadau ysgol, byddwch yn cael y cyfle i brofi addysgu mewn lleoliadau gwahanol, gan gynnwys ysgolion trefol a gwledig, yn ogystal ag ysgolion Cymraeg os dymunir. Mae’r lleoliadau hyn yn rhan hanfodol o’ch hyfforddiant, gan ganiatáu i chi gymhwyso eich addysgu mewn sefyllfaoedd ystafell ddosbarth go iawn a datblygu hyder yn eich galluoedd addysgu. Byddwch yn derbyn arweiniad a chymorth gan fentoriaid profiadol drwy gydol eich lleoliadau a fydd yn eich helpu i dyfu fel athro.
Modules
Mae’r TAR yn rhaglen academaidd a phroffesiynol amser llawn a chynhwysfawr a luniwyd i’ch paratoi am yrfa lwyddiannus yn addysgu. Mae’r rhaglen yn cwmpasu 36 wythnos, gydag oddeutu 12 wythnos o ddarpariaeth yn y brifysgol ac o leiaf 24 wythnos mewn ysgolion. Cwricwlwm Craidd Ein cwricwlwm craidd arloesol a achredwyd yn ddiweddar yw asgwrn cefn ein rhaglen Addysg Gychwynnol Athrawon (AGA). Mae’n cynnwys: Modylau Gorfodol: Mae’r modylau hanfodol hyn yn cwmpasu agweddau sylfaenol ar addysgu ac addysg. Datblygu Sgiliau Ymchwil: Byddwch yn datblygu sgiliau ymchwil beirniadol sy’n hanfodol ar gyfer arfer adfyfyriol a datblygiad proffesiynol parhaus. Llwybr Proffesiynol ar gyfer Statws Athro Cymwysedig (SAC): Mae’r llwybr hwn yn sicrhau eich bod yn bodloni’r safonau proffesiynol sy’n ofynnol ar gyfer SAC. Llwybr Datblygu’r Gymraeg: Byddwch yn gwella’ch gallu i addysgu a chyfathrebu yn y Gymraeg, sgil gwerthfawr yn ein system addysg ddwyieithog. Pontio: Gweithgareddau sy’n integreiddio damcaniaeth yn ddi-dor â chymhwyso’n ymarferol, gan atgyfnerthu eich profiad dysgu. Profiadau dewisol: Dewiswch brofiad yn yr ysgol mewn maes o ddiddordeb i ddyfnhau eich arbenigedd a’ch sgiliau ymarferol. Lleoliad Amgen: Cewch fewnwelediad drwy brofi lleoliadau addysg tu allan i ysgolion traddodiadol, megis amgylcheddau addysg arbennig. Partneriaeth Gydweithredol Rydym yn gweithio mewn cydweithrediad agos ag amrywiaeth o ysgolion, yn cynnwys ysgolion cynradd ac arbennig. Mae’r bartneriaeth hon yn cynnig ystod amrywiol o brofiadau addysgu i chi, gan ehangu eich gwybodaeth ymarferol a’ch sgiliau. Cylch 1 Astudiaethau Craidd: Y Dysgwr: pwy ydw i'n ei addysgu? (20 credydau) Arwain y Dysgu: beth, sut a pham ydw i'n addysgu? 1 (30 credydau) Y Gymraeg mewn Ymarfer Proffesiynol (10 credydau) Astudiaethau Craidd: Dysgwyr, Ysgolion a Chymunedau: ble ydw i'n addysgu? (30 credydau) Ymchwilio i'r Dysgu: beth, sut a pham ydw i'n addysgu? (30 credydau)
Assessment method
Mae cynllun y rhaglen yn darparu’r cyfle i asesiadau gael eu cysylltu’n agos ag arfer ystafell ddosbarth a thynnu ar brofiad a geir o brofiad personol. Mae’r dull hwn yn sefydlu’r cysylltiadau rhwng dysgu deallusol a dysgu trwy brofiadau ymhellach. Er enghraifft, bydd rhaid i fyfyrwyr gynllunio, cynnal, gwerthuso a rhannu prosiect ymchwil agos i arfer a fydd yn effeithio’n uniongyrchol ar ddysgwyr. Lle bynnag y bo’n bosibl, caiff aseiniadau eu cyflwyno a’u marcio’n electronig i hwyluso adborth amserol ac effeithiol. Mae elfennau asesu’n cynnwys aseiniadau ysgrifenedig, portffolio, fideo unigol a phrosiect ymchwil.
Qualified teacher status (QTS)
To work as a teacher at a state school in England or Wales, you will need to achieve qualified teacher status (QTS). This is offered on this course for the following level:
- Primary
Entry requirements
Gradd Israddedig Rhaid i ymgeiswyr feddu ar radd anrhydedd dda (o leiaf 2:2) mewn maes sy’n gysylltiedig â’r dewis bwnc uwchradd. Cymwysterau TGAU Gradd B neu uwch mewn TGAU Cymraeg - Iaith Gyntaf NEU Lenyddiaeth NEU Saesneg - Iaith NEU Lenyddiaeth yn ogystal â Gradd C neu uwch mewn TGAU Cymraeg Iaith Gyntaf A TGAU Saesneg: Iaith. Mae gweithdai a phrofion cywerthedd ar gael i’r rheiny sydd â Gradd C TGAU Saesneg Iaith, Mathemateg a Chymraeg Iaith Gyntaf. Cymwysterau Lefel A/Galwedigaethol Lefel 3 Os nad oes gan ymgeiswyr radd israddedig mewn pwnc cwricwlwm, rhaid iddynt brofi eu bod wedi astudio’n llwyddiannus ar lefelau uwch. Profiad Gwaith Dylech fod yn ymwybodol o realiti bod yn athro ac o fywyd yn yr ystafell ddosbarth ac felly rydym yn gofyn am brofiad diweddar a pherthnasol o leoliad addysg uwchradd. Gall hyn fod trwy swydd neu drwy wirfoddoli mewn ysgol a ddylai fod am gyfnod o ddwy wythnos ar y lleiaf. Bydd magu hyder mewn ystafell ddosbarth ysgol yn helpu i gryfhau eich cais ac yn sail feirniadol well ar gyfer eich datganiad personol. Hefyd, fe fydd yn eich paratoi at ein proses dethol ac yn rhoi peth profiad i chi y gallwch ei ddefnyddio yn eich cyfweliad. Gwasanaeth Datgelu a Gwahardd (DBS) Os cewch eich derbyn ar ein rhaglen, bydd rhaid ichi gael gwiriad clirio uwch DBS (Y Gwasanaeth Datgelu a Gwahardd - CRB, Swyddfa Cofnodion Troseddol gynt) cyn gynted â phosibl. Mae ffi ynghlwm wrth y gwasanaeth a dylech sicrhau eu bod yn dewis y gwasanaeth ‘diweddaru’.
Fees and funding
Tuition fees
| England | £9535 | Year 1 |
| Northern Ireland | £9535 | Year 1 |
| Scotland | £9535 | Year 1 |
| Wales | £9535 | Year 1 |
| Channel Islands | £9535 | Year 1 |
| Republic of Ireland | £9535 | Year 1 |
| EU | £15525 | Year 1 |
| International | £15525 | Year 1 |
Tuition fee status depends on a number of criteria and varies according to where in the UK you will study. For further guidance on the criteria for home or overseas tuition fees, please refer to the UKCISA website .
Additional fee information
Gall ein myfyrwyr gyrchu ystod amrywiol o offer ac adnoddau, sydd yn y rhan fwyaf o achosion yn ddigonol i gwblhau eu rhaglen astudio. Fodd bynnag, mae’n debygol y bydd myfyrwyr yn wynebu rhai costau ychwanegol na ellir eu hosgoi yn ogystal â chost eu hyfforddiant yn y brifysgol. Mae’r rhain fel a ganlyn:
Costau gorfodol:
Teithio i ysgolion lleoliad ac i’r Brifysgol.
Teithio i ddarpariaeth arbenigol oddi ar y safle (gan gynnwys ysgolion a darparwyr hyfforddiant eraill).
Teithio i ysgolion ar gyfer ‘Diwrnodau Pontio’ a mentrau eraill ar gyfer y garfan gyfan, yn unol â’r calendr.
Y defnydd o liniadur (mae MS Office yn rhad ac am ddim i fyfyrwyr).
Myfyrwyr Celf – teithiau i orielau Lundain ac Amgueddfa Genedlaethol Cymru. Llyfr braslunio â rhwymyn sbiral A3, portffolio A1
Costau Angenrheidiol:
Teithio i gymryd rhan mewn gweithgareddau cyfoethogi pwnc a drefnir gan y Tiwtor Pwnc
Adnoddau addysgu, er enghraifft, gwerslyfrau Safon Uwch/TGAU
Teithio i leoliadau ‘Meysydd Dewisol’
Dewisol:
Costau argraffu
Teithiau astudio dewisol
Provider information
University of Wales Trinity Saint David
College Road
Carmarthen
SA31 3EP