Course summary

BA Perfformio (Performance) is an innovative, Welsh medium, course taught intensively over two years. The course develops multidisciplinary, confident performers who have strong knowledge of, and links with, the creative industries in Wales and beyond. / Mae’r Perfformio (BA) yn gwrs arloesol a addysgir yn ddwys dros gyfnod o ddwy flynedd. Mae’r cwrs yn datblygu perfformwyr amlddisgyblaethol, hyderus sydd â gwybodaeth gadarn am y diwydiannau creadigol yng Nghymru a thu hwnt, a chysylltiadau â’r diwydiannau hynny. Chwiliwn am fyfyrwyr sydd â’r potensial i ddatblygu’n berfformwyr â’r gallu i berfformio yn y theatr, mewn neuaddau cyngerdd neu ar y radio ac mewn stiwdios teledu. Gan fod y cwrs yn un dwys – gyda sesiynau hyfforddi’n cael eu cynnal trwy gydol yr wythnos – bydd gofyn i fyfyrwyr fod yn gorfforol ffit ac iach. Er gwaethaf hyn, yr elfen bwysicaf fydd parodrwydd i ddysgu gan arbenigwyr yn y maes ac ymateb i’r cyngor a roddir iddynt yn ystod eu gwaith beunyddiol. Yn y pen draw, dymuna Prifysgol Cymru Y Drindod Dewi Sant weld y cwrs hwn yn darparu graddedigion dawnus, hyblyg a phroffesiynol ar gyfer llwyfannau ledled Cymru a thu hwnt. Mae strwythur y cwrs yn uchelgeisiol ac mae’r profiadau mae’r myfyrwyr yn eu cael yn gyfoethog, yn amserol ac yn amrywiol, gan sicrhau eu bod yn cael eu paratoi’n drylwyr ar gyfer nifer o yrfaoedd gwahanol yn ymwneud â pherfformio.